Álit kærunefndar húsamála

Hér er að finna reifanir á álitum kærunefndar húsamála. Reifuð eru þau mál sem nefndin hefur tekið efnislega afstöðu til og varða íbúðarhúsnæði. Einungis er stiklað á stóru og helstu atriði hvers álits dregin fram. Að baki hverju málsnúmeri eru hins vegar hlekkir á álitin sjálf og vilji fólk vísa í álitin í ágreiningsmálum eða nýta þau sem fordæmi er nauðsynlegt að lesa álitin í heild sinni. Að baki hverju atriðisorði (TAG) er að finna úrdrætti úr þeim málum þar sem það tiltekna atriði hefur komið til skoðunar.

Tag: : 

Um var að ræða leigusamning sem var upphaflega tímabundinn til sex mánaða en varð eftir það ótímabundinn. Leigjandi sagði upp samningnum með þriggja mánaða fyrirvara. Við það hætti leigusali að veita afslátt af leigunni eins og hafði verið gert fram að því.

Ár álits: 

2010

Númer álits: 

04

Tag: : 

Gerður var leigusamningur til eins árs. Stuttu eftir að flutt var í húsnæðið fóru leigjendur að finna fyrir kláða og útbrotum og þurfti að leita læknisaðstoðar vegna þessa. Í ljós kom að veggjalús, sem erfitt er að útrýma, var í íbúðinni, og að eitrunarferlið tæki nokkurn tíma.

Ár álits: 

2010

Númer álits: 

02

Tag: : 

Gerður var tímabundinn samningur frá 25. nóvember 2008 til 31. ágúst 2009. Leigjandinn bjó þó í íbúðinni til 25. október 2009, gegn greiðslu leigu fyrir september og október.  Á þessum tveimur mánuðum voru svo viðræður milli aðila um það hvort leigusamningi yrði framlengt.

Ár álits: 

2010

Númer álits: 

01

Tag: : 

Gerður var ótímabundinn leigusamningur hinn 15. ágúst 2008. Vegna myglusvepps í íbúðinni fluttu leigjendurnir þó einu ári og fjórum mánuðum síðar í aðra íbúð í eigu leigusala.

Ár álits: 

2009

Númer álits: 

27

Tag: : 

Um var að ræða tímabundinn samning til eins árs frá 2. júní 2009. Í nóvember kom upp músagangur í eigninni. Bæði leigjandi og leigusali létu eitra fyrir músunum og einnig var götum lokað í þeim tilgangi að fyrirbyggja að þær kæmust inn.

Ár álits: 

2009

Númer álits: 

26

Tag: : 

Við skil á leiguíbúð var framkvæmd lokaúttekt, og þar var merkt við að ýmsu væri ábótavant, svo sem að íbúð hafi verið illa þrifin. Hins vegar vanrækti leigusali að gera skriflega bótakröfu fyrr en með greiðsluseðli sem sendur var leigjanda fjórum mánuðum eftir úttektina.

Ár álits: 

2009

Númer álits: 

24

Tag: : 

Leigusali rifti samningi á grundvelli þess að leigjandi hefði ítrekað valdið öðrum íbúum truflunum með gestagangi drukkins fólks, reykingum, o.fl. Leigjandinn taldi hins vegar að riftunin hefði verið ólögmæt og leitaði til nefndarinnar vegna þess.

Ár álits: 

2009

Númer álits: 

23

Tag: : 

Gerður var ótímabundinn samningur sem gilti frá 1. júní 2007. Leigjandi óskaði svo eftir því að leigutíma lyki í lok janúar 2009 eða desember 2008 þar sem hann hafði fundið hentugri íbúð.

Ár álits: 

2009

Númer álits: 

18

Tag: : 

Eftir að skil á húsnæði fóru fram krafðist leigusali þess að leigjandi greiddi fyrir málun íbúðarinnar, en óhjákvæmilegt væri að mála hana alla þar sem leigjandi hefði blettamálað í öðrum lit en var fyrir.

Ár álits: 

2009

Númer álits: 

17

Tag: : 

Gerður var tímabundinn leigusamningur til tveggja ára. Vegna breytinga á högum leigjenda sömdu leigjendur og leigusali um riftun á leigusamningnum gegn því að nýr leigutaki fyndist.

Ár álits: 

2009

Númer álits: 

16

Pages