Formaður Neytendasamtakanna átti í dag fund með formanni Bændasamtakanna þar sem meðal annars var rætt um þær upplýsingar um meðferð dýra og blekkingar til neytenda sem upplýst var um í Kastljósi RÚV í gærkvöldi. Neytendasamtökin og Bændasamtökin eru á einu máli um að það er með öllu óviðunandi að ekki sé gætt að góðum og heilnæmum aðbúnaði dýra við matvælaframleiðslu.
Ólafur Arnarson formaður Neytendasamtakanna hélt ræðu á SFF-deginum, ráðstefnu Samtaka fjármálafyrirtækja sem haldin var sl. miðvikudag. Að þessu sinni var dagurinn helgaður neytendavernd á fjármálamarkaði og þeim breytingum sem hafa átt sér stað á undanförnum misserum.
Neytendasamtökin hafa á síðustu dögum átt í viðræðum við bankastofnanir, fjarskiptafyrirtæki og fyrirtækið Auðkenni vegna gjaldtöku á rafrænum skilríkjum. Að mati Neytendasamtakanna fellur óverulegur kostnaður til hjá fjarskiptafyrirtækjum vegna notkunar neytenda á rafrænum skilríkjum og engar efnislegar forsendur standa til þess að láta neytendur greiða fyrir þá notkun.
Neytendasamtökin óska eftir því að félagsmenn sem tóku húsnæðislán á tímabilinu 1. mars 2016 til 1. október 2016 hafi samband við samtökin vegna úttektar sem er í vinnslu í tengslum við rangan útreikning Hagstofu Íslands.
Leigjandi leitaði til nefndarinnar vegna ágreinings um tryggingarfé. Hann hafði haft íbúðina á leigu í sextán mánuði en við lok leigutíma tók leigjandinn kostnað við málun íbúðarinnar, þrif og leigu vegna fjögurra daga sem það tók að mála íbúðina.
Leigjandi hélt því fram að leigusamningur hefði verið ólöglegur. Þannig hafi verið tekið fram í samningnum að honum mætti ekki þinglýsa, en þar með gat leigjandi ekki sótt um húsaleigubætur, og að leigan yrði ekki gefin upp til skatts.