Það er um þetta leyti ársins sem algengt er að vátryggingar endurnýjist. Það hefur aukist töluvert á undanförnum árum að viðskiptavinir vátryggingafélaga séu í ,,pappírslausum viðskiptum", eins og það er kallað. Þá eru ekki lengur send yfirlit og greiðsluseðlar á heimili fólks, heldur eru þessi gögn nú að finna inni á lokuðu svæði hvers og eins viðskiptavinar hjá viðkomandi vátryggingafélagi.