Að loknum leigutíma hélt leigusali eftir hluta tryggingarfjár þar sem stólar og borð, sem voru til staðar við upphaf leigutíma og tilheyrðu leigusala, voru horfin auk þess sem þrifum á húsnæðinu við lok leigutíma var ábótavant.

Leigutaki tók húsnæði á leigu 30. október 2014 á grundvelli tímabundins leigusamnings en tók strax eftir vatnstjóni á veggjum sem leigusali sagði að ekki væri hægt að lagfæra fyrr en um vorið.

Leigjandi hélt því fram fyrir nefndinni að hann hefði ekki þurft að borga leigu þar sem leiguhúsnæði hefði verið óíbúðarhæft. Auk þess taldi hann að leigusala hefði ekki verið heimilt að rifta samningnum, en það gerði leigusali eftir að leiga hafði ekki verið greidd í þrjá mánuði.

Leigusali krafðist þess að leigjandi greiddi bætur vegna rakaskemmda á borðplötu við eldhúsvask. Leigjandinn taldi hins vegar að rakaskemmdirnar mætti rekja til þess að frágangur á borðplötu væri ófullnægjandi.

Aðilar gerðu mér sér leigusamning um íbúð sem í samningi var sögð 30-40 fermetrar. Samningurinn tók gildi 1. september 2013 en íbúðin var ekki tilbúin á þeim tíma og flutti leigjandinn ekki inn fyrr en 9. september.